Софтверска платформа

Windows Server 2003

Оперативниот систем за сервери на Микрософт е избран поради стабилноста и лесното инсталирање, конфигурирање и одржување. Иако дел од софтверската платформа е од отворен код и мултиплатформски (MySQL, OpenVPN) и овозможува користење и на други оперативни системи, сепак Windows нуди најдобри вкупни карактеристики.

Една од послабите страни на Windows платформата е подложноста на вирусни инфекции, но со правилно сетирање на пермисиите на системот, редовна надградба со сигурносни пакети и користење на антивирусен софтвер, овој недостаток се надминува без поголеми проблеми.

Windows XP Professional

Микрософтовиот оперативен систем за работни станици нуди висока стабилност, и најголем избор на апликативен софтвер. Токму второто е пресудниот елемент за негово широко користење. Можностите за програмско поврзување со Офис пакетот се клучна предност која што не е лесно изводлива на другите алтернативи. Исто како и кај серверот, инсталацијата, конфигурацијата и одржувањето се најсилната страна на оперативниот систем.

MySQL Community Server (www.mysql.com)

Бесплатна оpensource алтернатива на комерцијалните и извонредно скапи Oracle и MS SQL Server. Во верзијата 5 нуди голем број на новини кои го прават силен конкурент на SQL пазарот. Лесна инсталација и одржување, огромна база на знаење која потекнува од неговото масовно користење на web серверите, стабилноста и развиената функционалност го прават извонреден избор за складирање на податоците.

OpenVPN (www.openvpn.org)

Бесплатна алтернатива на полу-комерцијалниот Hamachi, и на не-баш-најстандардниот IPSec протокол. Базиран на SSL енкрипцијата, овозможува брзо и лесно креирање на VPN мрежи. Иако не е единствен избор, со оглед на цените на VPN поврзување кое го нудат Интернет провајдерите претставува добра и релативно стабилна солуција. Квалитетот на интернет конекцијата е од пресудно значење, бидејки е осетлив на прекини и лоши интернет врски.

Сепак за фирмите кои имаат многу локации се препорачуваат по-професионални и комерцијални решенија.

DynDNS (www.dyndns.org)

Интернет сервис кој овозможува динамичка DNS резолуција на IP адресите на компјутерите приклучени на интернет. Неопходен елемент во подесување и остварување на VPN врските, во случаи кога интернет провајдерот не обезбедува статична IP адреса. Прекините на VPN врските во тој случај се вообичаени и секојдневни, иако во најголем број случаи краткотрајни и не предизвикуваат поголеми проблеми во работењето. Постојат повеќе компании кои ја нудат истата услуга, но не секогаш бесплатно и со постојан квалитет.

Најдобро решение на проблемот е имање на статични адреси на сите локации, но истото е не секогаш возможно и исплатливо. Во најоптимален случај, централната локација треба да има професионална интернет конекција со статична адреса.